ગુજરાતમાં કોરોનાનો ચિંતાજનક વધારો! આરોગ્ય વિભાગ દોડતું થયું, 900ને પાર એક્ટિવ કેસની સંખ્યા...

Gujarat Corona Case : ગુજરાતમાં કોરોનાએ ફરી એકવાર દસ્તક દીધી છે અને તેજ ગતિએ કેસોમાં વધારો થઈ રહ્યો છે, છેલ્લા 24 કલાકમાં નવા 185 કેસ નોંધાયા છે. રાજ્યમાં એક્ટિવ કેસની સંખ્યા 988 પર પહોંચી છે. જેમાં હોસ્પિટલમાં દાખલ દર્દીની સંખ્યા 32 છે તો હોમ આઈસોલેશનમાં 948 છે જ્યારે 27 દર્દીઓને ડિસ્ચાર્જ કરવામાં આવ્યા છે.

► આ લક્ષણો જણાય તો રિપોર્ટ કરાવો

હોમ આઈસોલેશનમાં રહેલ વ્યક્તિઓએ તેમના સ્વાસ્થ્યનું સ્વ-નિરીક્ષણ કરવાનું ચાલુ રાખવું અને જો તેમને શ્વાસ લેવામાં તકલીફ, છાતીમાં દુખાવો વગેરે જેવા લક્ષણોમાં જણાયે નજીકના આરોગ્ય કેન્દ્રનો સંપર્ક ક૨વો. ખાંસી/છીંક દરમિયાન નાકનું મોં ઢાંકવું, જાહેર સ્થળોએ થૂંકવું નહીં, અવારનવાર સાબુથી હાથ ધોવા, સેનેટાઈઝ૨નો ઉપયોગ કરાવવો વગેરે કોવિડ એપ્રોપ્રીયેટ બિહેવિય૨નું પાલન ક૨વું. કો-મોર્બીડ કંડીશન ધરાવતા લોકો અને રોગપ્રતિકારક શક્તિની ઉણપ ધરાવતા લોકોએ ભીડવાળી જગ્યાઓ પર જવાનું ટાળવું અથવા આવી જગ્યાએ માસ્કનો ઉપયોગ ક૨વો.

► સાવચેતી એજ સમજદારી

કોવિડના કેસોમાં દ૨ 6 થી 8 માસમાં રાઈજિંગ ટ્રેન્ડ આવતો હોય છે જેથી ગભરાવાની જરૂર નથી. સાવચેતી એજ સમજદારી છે. કોવિડ પોઝિટિવ દર્દીના જીનોમ સિક્વન્સી ટેસ્ટિંગ GBRC ગાંધીનગ૨ ખાતે ક૨વામાં આવે છે જેમાં મુખ્યત્વે JN.1, LF.7, LF.7.9 અને XFG Variant જોવા મળેલ છે. જે WHO ના ધારાધો૨ણ મુજબ Variant of Interest છે. આમ, આ variant સામાન્ય પ્રકા૨નો છે જેમાં ગભરાવાની જરૂર નથી.